Wereld.
Wie heuren 't ja sikkom
aal doagen hoast weer:
wereld is wereld
van vrouger nait meer,
't is almoar zo aners,
veul vraider liekt 't net
moar 'k zeg joe dat wereld
gain schuld doaran het.
Mensen bin mensen
van vrouger nait meer,
tieden binnen aners
en zokswat doet zeer.
Wat west het, is goan
en veur aaltied veurbie,
is gain dei dat vaastholdt,
leuf dat van mie.
Wie geven de wereld
van alles moar de schuld,
want om daiper te denken
ontbrekt ons 't geduld;
onszulf ais bekieken
vaalt niks miet te winnen,
stel dat wie ontdekken
hou röt 't is doarbinnen!
Ais eerliek bekennen
wat dóar zoal beurt,
gain mens het dat ooit
van 'n aner nog heurt
want wazzen wié beter,
't is voaker al zegd,
den was, wait ik wizze,
de wereld nait slecht!
Daan van Vliet
Reacties
Reageer
Laat een reactie achter!
- {{ error }}